សមត្ថកិច្ចខណ្ឌទួលគោកឃាត់ខ្លួនក្មេងទំនើង០៣នាក់ជាក់ស្តែង ពីបទមានកាំបិតដែលជាប់នឹងខ្លួន

-សមត្ថកិច្ចខណ្ឌទួលគោកឃាត់ខ្លួនក្មេងទំនើង០៣នាក់ជាក់ស្តែង ពីបទមានកាំបិតដែលជាប់នឹងខ្លួន ( ដាវ និងស្នាប់ដៃ )៖

នេះបើតាមpage ស្នងការដ្ឋាននាគបាសរាជធានីភ្នំពេញ

-នៅក្នុងមូលដ្ឋានសង្កាត់បឹងសាឡាង ខណ្ឌទួលគោក រាជធានីភ្នំពេញ នៅថ្ងៃទី២១ ខែកុម្ភៈ ឆ្នាំ២០១៧ វេលាម៉ោង ២២:៤០ នាទី ក្រុមត្រួតពិនិត្យអាវុធជាតិផ្ទុះ និងរឹតបន្តឹងច្បាប់ចរាចរណ៌ផ្លូវគោក នៃអធិការដ្ឋាននគរបាលខណ្ឌទួលគោក បានឃាត់ខ្លួនជនសង្ស័យជាក្មេងទំនើង០៣នាក់ជាក់ស្តែង ពី បទកាន់កាប់អាវុធដែលជាប់នឹងខ្លួន ( ដាវ និង ស្នាប់ដៃ ) ប្រព្រឹត្តនៅចំណុចមុខវិទ្យាល័យ ជា ស៊ីម សាមគ្គី ផ្លូវលេខ២៧១ ក្រុមទី ១ ភូមិ១ សង្កាត់បឹងសាឡាង ខណ្ឌទួលគោក រាជធានីភ្នំពេញ ។ +ជនសង្ស័យ ១-ឈ្មោះ យី ខាត់ណា ហៅ ខាត់ណា ភេទប្រុស អាយុ ២៥ឆ្នាំ ជនជាតិខ្មែរ មុខរបរ ជាងផ្សាដែក ស្នាក់នៅភូមិសំបូរ ឃុំសំបូរ ស្រុកបាធាយ ខេត្តកំពង់ចាម ។ ២-ឈ្មោះ ចាន់ វីរៈ ហៅ រក្ស ភេទប្រុស អាយុ ២២ឆ្នាំ ជនជាតិខ្មែរ មុខរបរ ជាងផ្សាដែក ស្នាក់នៅផ្ទះជួល គ្មាន លេខ ភូមិព្រៃទា សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ ។ ៣-ឈ្មោះ អាំង រ៉ូយ៉ាល់ ហៅ ខេន ភេទប្រុស អាយុ ២២ឆ្នាំ ជនជាតិ ខ្មែរ មុខរបរ ជាងផ្សាដែក ស្នាក់នៅ ផ្ឋះជួលគ្មានលេខ ភូមិព្រៃទា សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ ។ +វត្ថុតាងដែលបានដកហូតយក ៖ -ម៉ូតូ០១គ្រឿងម៉ាក Suzuki viva ពាក់ស្លាកលេខ ព-8063 ភ.ព1 មានលេខតួ និងលេខម៉ាស៊ីន 37293 ។ -កាំបិតចំនួន ០១ដើម ដងឈើមានប្រវែង ០,៤០ម៉ែត្រ និងស្នាប់ដៃដែក ចំនួន ០១ ។បច្ចុប្បន្នជនសង្ស័យទាំង ០៣នាក់ កំពុងឃាត់ខ្លួនជា បណ្តោះអាសន្ន នៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ដើម្បីចាត់ការតាមច្បាប់។