Khmer temple Phnom Daដកស្រង

Khmer temple Phnom Daដកស្រងចេញពីpage SPKT LIV

ក្បាច់ផ្តែរកូរសមុទ្រទឹកដោះនៅ ប្រាសាទភ្នំដា
•••••❤🇰🇭❤•••••
     ភ្នំ ដា ជាកូនភ្នំតូចមួយស្ថិតនៅ ចម្ងាយ ប្រមាណជា ៣ គីឡូម៉ែត្រខាងត្បូង នៃអតីតរាជធានី អង្គរបុរី ក្នុង ខេត្តតាកែវបច្ចុប្បន្ន ។ នៅលើកំពូលភ្នំ គេឃើញមាន ប្រាសាទ ថ្មបាយក្រៀម មួយយ៉ាងធំបានសាងសង់ឡើងនៅ ស.វ ទី ១១ មានចម្លាក់ ផ្តែរមួយដ៏សំខាន់ បង្កប់នូវអត្ថន័យជា ប្រវត្តិសាស្ត្រដែល សព្វថ្ងៃនេះ ត្រូវបានគេភ្លេចទៅហើយ ។
     សូមរំលឹកថា ប្រាសាទឥដ្ឋដ៏ធំនេះ ត្រូវបានសាងសង់ឡើងនៅលើខឿន ប្រាសាទឥដ្ឋមួយនាសម័យនគរ ភ្នំ ដែល ត្រូវបានដួលរលំទំនងដោយសារ សង្គ្រាមរវាង នគរ ភ្នំ និង ចេនឡា ក្នុង អតីតកាល ។ នៅបាត ប្រាសាទ គេ បានឃើញចម្លាក់ ព្រះបដិមាបុរេអង្គរ ៣ អង្គ សម្រាប់ជាទីសក្ការៈរួមមាន ព្រះ នរាយណ៍ ឬ វិស្ណុ ព្រះពលរាម និង ព្រះរាម ដែល សព្វថ្ងៃនេះ ក្រោយពី ត្រូវបាន ជួសជុល ត្រូវបានរក្សាទុកនៅសារមន្ទីរ ជាតិភ្នំពេញ ។

     ដោយឡែកយើងក៏បានឃើញមាន ចម្លាក់ ក្បាច់ ផ្តែរ និង ហោរជាងមួយ ដែលជា គ្រឿងតុបតែង ប្រាសាទភ្នំដា ដែលស្ថិតនៅ ផ្នែកខាង ក្នុងនៃ ប្រាសាទ ប្រកបដោយ ក្បាច់ក្បូររស់ រវើកគួរជាទីគយគន់ ។
     រូបចម្លាក់លំអ ប្រាសាទ ទី ១ ជា បំណែក ផ្តែរតំណាងបន្ទំរបស់ ព្រះវិស្ណុ ( វិស្ណុ អនន្ត ) លើនាគរាជ ។ ចម្លាក់នេះ បានបាក់ជាពីរកំណាត់ឯ ព្រះសិរសា របស់ ព្រះអាទិត្យវិញក៏ត្រូវបានគេ កំទេចទាំងស្រុងដែរ ។ ចម្លាក់ទាំងពីរ ខាងលើនេះ ត្រូវបានស្នើឲ្យគេដឹក យកទៅដម្កល់ទុកនៅសារមន្ទីរនៅ ស្រុក អង្គរបុរី ។ ចំណែកហោរជាង ដែលសព្វថ្ងៃ ត្រូវគេយកទៅតម្កល់ទុក នៅសារមន្ទីរ ហ្គីមេ នៅ ប្រទេសបារាំង ឯណោះតំណាងឲ្យការកូរសមុទ្រ ទឹកដោះ ។ ទេវកថានៃលទ្ធិ ព្រហ្មញ្ញសាសនាខាងលើនេះនៅក្នុង អម្លុង ស . វ ទី ១១ នៃ គ .ស នៅពេញនិយម នៅឡើយ ។ គេបានចាត់ទុកថានៅ ខាងលើនៃចម្លាក់មានពពួកទេព្តា តំណាងឲ្យពួកទេពអប្សរកំពុងអបអរ សារទរនូវការប្រណាំង ប្រជែងរវាងគូវិវាទទាំងពីរ ។ នៅលើចម្លាក់នោះដែរ មានចម្លាក់ ព្រះព្រហ្ម ដែលទើបតែ ត្រូវបាន ប្រសូត្រឡើងដោយ ទ្រង់គង់ប្រថាប់លើទងផ្កាឈូកទិព្វមួយដែលដុះ ចេញពីថូផ្ទុកទឹកអម្រឹតដ៏ពិសិដ្ឋក្នុងខណៈដែល ព្រះ ច័ន្ទ និង ព្រះអាទិត្យ ទើបតែលេចធ្លោរចេញពីការកូរសមុទ្រ ទឹកដោះ ។
     ជាទូទៅផ្ទាំង ផ្តែរ នៅលើហោរជាង ដ៏សំខាន់ខាងលើនេះ ត្រូវបានគេ ចាត់ទុកថាជាការបង្កើតលោកយើង នេះក្នុងលទ្ធិ ព្រហ្មញ្ញសាសនា ។
     ប៉ុន្តែនៅទីនេះកត្តាដែលគួរឲ្យ កត់សម្គាល់នោះ គឺចម្លាក់ ផ្តែរ កូរ សមុទ្រទឹកដោះបានបង្កប់នូវន័យ មនោ គមវិទ្យា ដ៏ខ្ពង់ខ្ពស់ គឺការការពារ អំណាចរបស់ ព្រះរាជា ខ្មែរ នាជំនាន់ នោះ ។ បើនិយាយមួយបែបទៀតតាម ការពិតណាស់លក្ខណៈ នៃ ក្បាច់ ផ្តែរ នេះ គឺជាការបកស្រាយ នៃជំនឿ សាសនាបែប ព្រហ្មញ្ញសាសនា ក៏ មែនពិត ក៏ប៉ុន្តែ ទន្ទឹមនឹងនេះការសម្តែង នូវមហិទ្ធិឫទ្ធិ របស់មហាក្សត្រដែលជា តួអង្គសំខាន់ជាងគេ ។ ចំណែកតួអង្គ ផ្សេងៗ ឯទៀតនៅ ផ្នែក ខាងលើនៃ ហោរជាងដែល ត្រូវបាន ឆ្លាក់ ដោយមានការយកចិត្តទុកដាក់សំរិតសំរាំងយ៉ាងខ្លាំងដែរ ពិតជាតំណាង ឲ្យ កម្លាំងរបស់ ប្រជាជនជុំវិញ ប្រមុខដឹកនាំ ក្នុងការស្ថាបនាជាតិ ឆ្ពោះទៅរកវឌ្ឍនភាព ។ នេះជាការពិតមួយដែល គេមិនអាចបដិសេធបានកាលបើពិនិត្យ ឬ កំណត់បរិបទចម្លាក់នេះឲ្យបាន ត្រឹមត្រូវ ។
     គួររំលឹកថាចំពោះចម្លាក់ ព្រះវិស្ណុ ដែលស្ថិតនៅចំកណ្តាល ផ្ទាំង ចម្លាក់ ផ្តែរ ព្រះអង្គ មានដៃបួននៅលើ ដៃ នីមួយៗ មានកាន់វត្ថុដូចជាដំបង និង កងចក្រជាដើម ។ ដូចពោលខាងលើ នាគរាជ ដែល ព្រះអង្គ បន្ទំលើនោះ មានជើងដូចនាគចិន ដែលតំណាងឲ្យ ផ្ទៃទឹកសមុទ្រ ។
     នៅទីនេះ ភ្នំសុមេរុ ដែលតំណាង ដោយសសរ មួយ ទ្រដោយសត្វ អណ្តើក ។ នៅលើខ្នងអណ្តើក មានថូ ពិសិដ្ឋមួយ ផ្ទុកដោយទឹកអម្រឹតដែលព ពួកទេវតានៅ ម្ខាង និង ពពួក យក្ខ នៅ ម្ខាងទៀតកំពុងដណ្តើមគ្នាដោយ ទាញព្រ័ត្រមានតំណាងជាពស់ ៕
ត្រា ណេ