សមត្ថកិច្ចឃាត់ខ្លួនជនសង្ស័យ០២នាក់ ករណីលួច (ឆក់ខ្សែក

សមត្ថកិច្ចឃាត់ខ្លួនជនសង្ស័យ០២នាក់ ករណីលួច (ឆក់ខ្សែក)៖
​ប៉ុស្តិ៍ភ្នំពេញថ្មី ៖ នៅថ្ងៃទី ១៣-០២-២០១៧ វេលាម៉ោង១៧,០០នាទី,

នេះបើតាមpage របស់ស្នងការដ្ឋាននាគបាសរាជធានីភ្នំពេញ
- អធិការដ្ឋាននគរបាល ខណ្ឌសែនសុខ បានធ្វើការឃាត់ខ្លួនជន សង្ស័យចំនួន០២នាក់ នៅចំណុចផ្លូវបេតុង ភូមិបាយ៉ាប សង្កាត់ភ្នំពេញ ថ្មី ខណ្ឌសែនសុខ រាជធានីភ្នំពេញ ។

ករណីឆក់ខ្សែក បង្កដោយជនសង្ស័យចំនួន០២នាក់រួមមាន ៖
​១-ឈ្មោះ ឡេង ណារ័ត្ន ភេទប្រុស អាយុ២២ឆ្នាំ មុខរបរគ្មាន ស្នាក់នៅផ្ទះ លេខ៦២ ផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌឬស្សីកែវ ។
​២-ឈ្មោះ ស៊ុន សាកល ភេទប្រុស អាយុ១៩ឆ្នាំ មុខរបរគ្មាន ស្នាក់នៅផ្ទះ លេខG៩ ផ្លូវ៥៩៨ ភូមិ ទួលសង្កែ សង្កាត់ទួលសង្កែ ខណ្ឌឬស្សីកែវ ។
ជិះម៉ូតូចំនួន០១គ្រឿង ម៉ាកHONDA C125 ពណ៌ខ្មៅ ផលិតឆ្នាំ២០១៧ ពាក់ស្លាកលេខភ្នំពេញ1GC-5062 បានជិះមកឆក់ខ្សែកប្លាទីន០៣ជី
របស់ជនរងគ្រោះឈ្មោះ ទ្រូ ចាន់ណេ ភេទស្រី អាយុ៣១ឆ្នាំ មុខរបរ នៅផ្ទះ ស្នាក់នៅផ្ទះជួល ផ្លូវបេតុង ភូមិច្រេស សង្កាត់ភ្នំពេញថ្មី ខណ្ឌ សែនសុខ ។
សម្ភារៈដកហូត ៖ ខ្សែកប្លាទីនទម្ងន់០៣ជី០១ខ្សែ (របស់ជនរងគ្រោះ) និងម៉ូតូចំនួន០១គ្រឿង ម៉ាកHONDA C125 ពណ៌ខ្មៅ ផលិតឆ្នាំ ២០១៧ ពាក់ស្លាកលេខភ្នំពេញ1GC-5062(របស់ជនសង្ស័យ) ។
ដំណើរឿង៖ មុនពេលកើតហេតុ ជនរងគ្រោះជិះម៉ូតូមកដល់ចំណុចខាង លើ សា្រប់តែមានជនសង្ស័យចំនួន០២ នាក់ ជិះម៉ូតូចំនួន០១គ្រឿង មកជិតជនរងគ្រោះរួចធ្វើសកម្មភាពឆក់យកខ្សែកពីជនរងគ្រោះ ជិះបានចំងាយ ប្រហែល១០ម៉ែត្រជនរងគ្រោះស្រែកឆោឡោឡើង ត្រូវប្រជាជននៅជិតកន្លែងកើតហេតុនាំគ្នាដេញ ចាប់បានជនសង្ស័យ ខាងលើវាយ តែម្លាំងល្បាតអធិការដ្ឋាននគរបាលខណ្ឌសែនសុខ បានធ្វើល្បាតដល់ ចំណុចខាងលើ ក៏បាននាំខ្លួនជនសង្ស័យយកមក ធ្វើការ សាកសួរនៅអធិការដ្ឋាននគរបាលខណ្ឌសែនសុខ ។ បច្ចុប្បន្ន ៖ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការតាម និតិវិធីច្បាប់ទៅតុលាការ ។