-ឃាត់ខ្លួនជនសង្ស័យ០២នាក់,ករណីលួចម៉ូតូនៅសង្កាត់ទំនប់ទឹក ៖ ​នៅថ្ងៃទី ១១/០១/២០១៧ វេលាម៉ោង ០២.២០ រំលងអាធ្រាត្រ,

-ឃាត់ខ្លួនជនសង្ស័យ០២នាក់,ករណីលួចម៉ូតូនៅសង្កាត់ទំនប់ទឹក ៖
​នៅថ្ងៃទី ១១/០១/២០១៧ វេលាម៉ោង ០២.២០ រំលងអាធ្រាត្រ,
------------------------------
-មានករណីលួចម៉ូតូកើតឡើងចំណុចក្នុងផ្ទះជួលគ្មានលេខ ផ្លូវលេខ ១៨៣ ក្រុម១៦ ភូមិ២ សង្កាត់ទំនប់ទឹក ខណ្ឌចំការមន រាជធានីភ្នំពេញ
​បង្កដោយជនសង្ស័យ០២ នាក់ភេទ ប្រុសដែលមានរាយនាមដូចខាងក្រោម

​១-ឈ្មោះ លី កុសល ហៅ ជា ភេទ ប្រុស អាយុ ៣០ ឆ្នាំ ខ្មែរ មុខរបរ មិនពិតប្រាកដ ស្នាក់នៅផ្ទះ​លេខ ៦ ផ្លូវ លំ សង្កាត់ស្ទឹងមានជ័យ ខណ្ឌមានជ័យ ។

​២-ឈ្មោះ ចាន់ ឌី ភេទ ប្រុស អាយុ ៤២ ឆ្នាំ ខ្មែរ មុខរបរ មិនពិតប្រាកដ ស្នាក់នៅផ្ទះគ្មានលេខ ផ្លូវ លំ សង្កាត់ស្តឹងមានជ័យ ខណ្ឌមានជ័យ ជិះ ម៉ូតូVIVA ពណ៌ខ្មៅ ស្លាកលេខ1P-1065 ភ្នំពេញ លេខតួ-ម៉ាស៊ីន និង 102294, បានលួចយកម៉ូតូ VIVA ពណ៌ខ្មៅ សេរី ២០០៨ ស្លាកលេខ 1AD-2469 ភ្នំពេញ លេខតួ + ម៉ាស៊ីន 355702

​ជារបស់ឈ្មោះ ជា គឹមឆេង ភេទ ស្រី អាយុ ២១ ឆ្នាំ ខ្មែរ មុខរបរ និស្សិត វ៉ាន់ដា ស្នាក់នៅកើតហេតុខាងលើ ។

វត្ថុតាងដកហូត ៖ ម៉ូតូ ០១ គ្រឿង ម៉ាក វីវ៉ា ពណ៌ ខ្មៅ សេរី ២០០៨ ស្លាកលេខ 1AD-2469 ភ្នំពេញ លេខតួ + ម៉ាស៊ីន 355702 ( របស់ជនរងគ្រោះ ប្រគល់អោយម្ចាស់វិញ ) ,ម៉ូតូ ០១ គ្រឿង ម៉ាក វីវ៉ា ពណ៌ ខ្មៅ ស្លាកលេខ 1P-1065 ភ្នំពេញ លេខតួ-ម៉ាស៊ីន 102294 ( របស់ជនសង្ស័យ ជិះធ្វើសកម្មភាព ) ។
សូមបញ្ជាក់ជា

មុនពេលកើតហេតុ ជនរងគ្រោះបានជិះម៉ូតូរបស់ខ្លួនចេញ ពីធ្វើការដោយយកម៉ូតូមកចតទុក​នៅក្នុង ជាន់ក្រោមផ្ទះ នឹងបានចាក់ សោរត្រឹមត្រូវ ហើយជនរងគ្រោះបានឡើងទៅដេក ។ រហូតដល់​ម៉ោងកើតហេតុ ក៏មានជនសង្ស័យ០២ នាក់ ជិះម៉ូតូ០១ គ្រឿង ឈប់ នៅមុខផ្ទះជនរងគ្រោះ ដោយឃើញ​ទ្វារផ្ទះចំហ ជនសង្ស័យឈ្មោះ ចាន់ ឌី បានឈរចាំមើលផ្លូវ ហើយឈ្មោះ លី កុសល ជាអ្នកចូល​ទៅលួច​កាច់​សោរ​ម៉ូតូជនរងគ្រោះរហូត បានសម្រេចហើយ អូសម៉ូតូចេញមកក្រៅបំរុងជិះចេញ ទៅ ក៏ត្រូវបានកម្លាំង​ល្បាត​ប៉ុស្តិ៍​ទំនប់ទឹក មកដល់ឃាត់ខ្លួនបានទាំង ០២នាក់ រួមនឹងវត្ថុតាង ចំណែកតួឡឺវីស ជនសង្ស័យ​បោះចោលបាត់រក​មិន​ឃើញ។
​ បច្ចុប្បន្ន ជនសង្ស័យ រួមនឹងវត្ថុតាង កំពុងឃាត់ខ្លួនៅអធិការដ្ឋាន ដើម្បីកសាងសំណុំរឿង ។